Aanii! Miishigo zhiseg wii-maawnjidiyiing!

Anishinaabemowin-Teg enchiiyaang gmiigwechwi’aanaa Wikwemikoong bemaadzijig sa gii bi naadimaagewad maanda gii-mi wiikgchitooyaang zhoonyaa gii-mi "bingoyaang oodi 2012." Miigwech Gimaa! Gii-gooninwag Wikwemikong wii-naadimoowaad Gordie Odjig wii bi mzinaatesjiged miinwaa sa nongwaa 2013.

Maanda sa zhoonyaa gaa shkitooyaang ndi-nkaasnan wii bgogeyaang noondesseg Ekinoomaagaasjig "scholarship" zhoonyaa waa miinaayaang sa pii Ateg Maawnjidwin 2013 temgak shkwaaksod. Nmiigwechwiyaanaa kina E-zhi-ngodwe’aangizid sa gewiinwaa gii -bgidnigewaad sa jig a bi zaagaa’aajing.

Miigwech ndi-naak "Anishinabek News" mzinigan miinwaa gewe ga wiinmaagewaad ge-wiinwaa endaadwaad mzinigaansing wii-temgak maandaa sa Ateg Maawnjidiwin 2013.
Kina gwaya sa gaa-bibgetnigejig zhaashi, Miigwech gdi-nim; Delta hotel, Baawting ON. Ezhi niizhwaad Wal Mart’s Ontario miinwa Gchi-mookmaankiing, miinwaa Kewadin Casino gewii saGii-bigetnigewaad nooj go miigweyaansan.

Miigwech sa kina waa bi daawejig ndisgchinegiwan. Miigwech sa pane bi zhaayeg.

Miinwaa sa kina ga bi niindaawe’aad sa Maawjiwin mziniganing "Ads":

• Ontario Native Education Counselling
• Lakehead University
• Shkagmik Kwe Health Centre
• Laurentian University
• Ziibiwing Community Centre
• Fond da Lac Reservation Business Committee
• Four Colours Production

Miinwaa go gewiinwaa ga bgidnigejig zhoonyaa; Union of Ontario Indians, Baawting Community Association, Lakehead University, Aaron Payment, nswaak shi nanmidna sa doopwin bezhig mdaaswi wii nmaadbiwaad waa wiisnijig ebikidajig.

Niin ngii-zhibiiyaan maanda Martina Osawamick